- Նկարագրե՛ք Լոռու մարզի աշխարհագրական դիրքը: Լոռին գտնվում է Հայաստանի հյուսիսում և սահմանակից է Վրաստանին։ Այն ունի լեռնային ռելիեֆ՝ բաղկացած բարձր լեռնաշղթաներից (Փամբակ, Բազում), խորը ձորերից ու ընդարձակ սարահարթերից։
- Վերլուծե՛ք Լոռու բնառեսուրսային ներուժը: Մարզը հարուստ է մետաղային հանածոներով (պղինձ, ոսկի, բազմամետաղներ) և շինանյութերով։ Կարևոր ռեսուրս են նաև խիտ անտառները, ջրառատ գետերը (Դեբեդ, Փամբակ) և բերրի սևահողերը։
- Առանձնացրե՛ք Լոռու քաղաքները և հայտնի գյուղերը: Քաղաքներն են՝ Վանաձոր (մարզկենտրոն), Ալավերդի, Ստեփանավան, Սպիտակ, Տաշիր, Ախթալա, Թումանյան, Շամլուղ։ Հայտնի գյուղերից են Դսեղը, Օձունը, Հաղպատն ու Սանահինը։
- Մարզում արդյունաբերության մեջ ի՞նչ ճյուղեր են գերակշռում։ Գերակշռում են լեռնահանքային արդյունաբերությունը (հանքանյութի արդյունահանում և մշակում), սննդի արդյունաբերությունը (կաթնամթերք, պահածոներ) և թեթև արդյունաբերությունը (կոշիկի, հագուստի արտադրություն)։
- Գյուղատնտեսության մեջ ի՞նչ ճյուղեր են գերակշռում։ Առաջատար է անասնապահությունը (կաթնատու և մսատու տավարաբուծություն)։ Բուսաբուծության մեջ զարգացած է կարտոֆիլի, հացահատիկի և կերային մշակաբույսերի աճեցումը։
- Մարզում ինչպիսի՞ նշանավոր վայրեր գիտես։ Նշանավոր են Հաղպատի և Սանահինի վանքերը (ՅՈՒՆԵՍԿՕ-ի ժառանգություն), Լոռի Բերդը, Օձունի տաճարը, Ստեփանավանի Դենդրոպարկը և Հովհաննես Թումանյանի տուն-թանգարանը Դսեղում։
- Ինչ առանձնահատկությամբ է աչքի ընկնում մարզը։ Լոռին աչքի է ընկնում իր «զմրուխտե» բնությամբ՝ անտառապատ լեռներով ու կիրճերով։ Այն Հայաստանի ամենախոշոր արդյունաբերական և մշակութային կենտրոններից մեկն է։
- Վերլուծի’ր Լոռու բնակչության առանձնահատուկ գծերը։ Բնակչությունը բնութագրվում է ավանդապաշտությամբ, հյուրասիրությամբ և յուրօրինակ բարբառով։ Այստեղ կան նաև ազգային փոքրամասնությունների կոմպակտ բնակավայրեր, օրինակ՝ ռուս-մոլոկանների գյուղերը։
Եվա Պապյան 