печальный

невеселый

мудрый

грустный

Маленькая

огромная

крошечная

малюсенькая

небоьлшая

жаркий

горячий

целый

1. цветок —  растение

платье-  наряд

плакать — рыдать

ласковый — добрый

храбрый — смелый

2. приятелц- друг

противник- враг

солдат- воин

ԱՆՄՈՌԱՆԱԼԻ ԱՅՑ ԱԶԳԱՅԻՆ ՊԱՏԿԵՐԱՍՐԱՀ

Բարև ձեզ: Գիտե՞ք, թե ես իմ դասարանի հետ այսօր ուր եմ գնացել, Ազգային պատկերասրահի «Հակոբ Գյուրջյանի» ստեղծագործությունների ցուցասրահ: Հիմա ես ձեզ մի փոքր կպատմեմ, թե ինչ եմ արել այնտեղ և ինչ եմ տեսել: Սկզբում մենք բոլորս նստեցինք ավտոբուս, հասանք տեղ, այնտեղ մեզ դիմավորեց գիտաշխատող ընկեր Մարգարիտան: Մենք նախ շրջեցինք մի քանի հարկերով և հետո հասանք այնտեղ, որտեղ Հակոբ Գյուրջյանի քանդակներն էին: Տեսանք նրա քանդակները, ուսումնասիրեցինք դրանք: Այնտեղ մենք իմացանք, որ կա քանդակի մի քանի տեսակ, օրինակ, եթե քանդակը պատկերում է միայն մարդու գլուխն ու մարմնի կեսը, դա կոչվում է կիսանդրի, իսկ միայն դեմքը՝ դիմաքանդակ: Նաև այնտեղ մենք ծանոթացանք երեք ոսկե կանոններին, դրանք էին՝ լուռ մնալը, իրերին ձեռք չտալը և իրար չհրմշտելը: Հետո մենք իմացանք, որ այն քանդակները որոնք դրսում են, կոչվում են արձաններ, իսկ որոնք ներսում են, կոչվում են քանդակներ: Հետո եկավ ամենասպասված, ամենասիրված պահը. մեզ այնտեղ բաժանեցին թղթեր և ասացին, որ այն քանդակներից, որոնք հավանում ենք, թղթային տարբերակով նկարենք: Մենք սկսեցինք նկարել: Ես ընտրեցի կատվի քանդակը և մի գեղեցիկ կատու նկարեցի: Բոլորը իմ նկարը հավանեցին: Երբ բոլորս նկարեցինք, ավարտեցինք, մեզանից նկարները վերցրեցին, դակեցին և թղթապանակի մեջ դրեցին: Ստացվեց գիրք: Այնտեղ մեզ տվեցին հատուկ ձեռնոցներ և մենք հնարավորություն ստացանք դիպչելու քանդակներին, բայց իհարկե շատ զգույշ: Դե հետո այդ գիրքը ընկեր Մարգարիտան հանձնեց Ընկեր Մանուշակին և իրար ասեցինք ցտեսություն, շնորհակալություն և, որ անպայման առանձին կայցելենք Հակոբ Գյուրջյանի թանգարան: Հետո վերադարձանք  դպրոց, ձայնագրեցինք մեր տպավորությունները և դիտեցինք լուսանկարները:

Շունն ու կատուն

Ժամանակով Կատուն ճոն էր,
Շունն էլ գըլխին գըդակ չուներ,
Միայն, գիտեմ ոչ` որդիանց որդի,
Ճանկել էր մի գառան մորթի:

Եկավ մի օր, ձմեռվան մըտին,
Կատվի կուշտը տարավ մորթին:

— Բարի աջողում, ուստա Փիսո,
Գլուխըս մըրսեց, ի սեր Աստծո,
Ա՛ռ էս մորթին ու ինձ համար

Մի գդակ կարի գըլխիս հարմար:
Վարձիդ համար միամիտ մընա՛,
Համա-համա շատ չուշանա:

— Աչքիս վըրա, քեռի Քուչի,
Մի գըդակ ա, հո մի քուրք չի․

Քու թանկագին խաթեր համար
Ուրբաթ օրը համեցեք տար:
Փողի մասին ավելորդ ա,
Մեր մեջ խոսելն էլ ամոթ ա,
Ի՜նչ մեծ բան ա, տո՜, հե՛ր օրհնած,

Միա՜յն, միա՜յն մի գդակի վարձ:

Ուրբաթ օրը քեռի Քուչին`
Ուստից առաջ` բաց-բաց կուճին
Թափ-թափ տալով` ծանդըր ու մեծ,
Ուստա Կատվի շեմքում կանգնեց.

— Ուստեն ո՞ւր ա… փափախս ո՞ւր ա…
— Մի քիչ կացի, հրես կերևա:

II

Ուստեն եկավ քուրքը հագին,
Շանը տեսավ, բեղի տակին
Իրեն-իրեն քիչ փընթփընթաց,

Ու մուշտարու վըրա թընդաց.
— Ցուրտը տարա՞վ… վա՜հ, տընա՛շեն,
Չես թող անում մի շունչ քաշեն.
Հեշտ բան հո չի՞, հըլա նոր եմ
Ցըրցամ տըվել, թե որ կարեմ:

— Դե հե՛ր օրհնած, էտե՛նց ասա,
Էդ բարկանալդ էլ ընչի՞ս ա:
Փող եմ տըվել, վախտին կարի,
Թե չէ` ասա, էգուց արի:
Համ ասում ես, համ չես կարում,

Համ խոսում ես, վըրես գոռում,
Հա՛մ, հա՛մ, հա՛մ, հա՛մ,
Քանի, ախպեր, գընամ ու գամ…
Ասավ Քուչին ու նեղացած
Վերադարձավ գլուխը բաց:

III

Մին էլ եկավ, դարձյալ չըկար.
Էս անգամը դիպան իրար.
Էլ անպատիվ, անկարգ խոսքեր,
Էլ հին ու նո՜ր, էլ հերն ու մե՜ր,
Էլ գող Փիսո՜, էլ քաչալ Շո՜ւն…

Բանը հասավ դիվանբաշուն:
Շունը մինչև գընաց, եկավ,
Ուստա Կատուն կոտըրն ընկավ,
Գըլուխն առավ ու մի գիշեր
Հայդե՛, կորավ. էն կորչիլն էր․․․

IV

Էն օրվանից մինչև օրս էլ
Շունն էս բանը չի մոռացել,
Մըտքում հըլա դեռ պահում ա,
Որտեղ Կատվին պատահում ա,
Վեր ա թըռչում, վըրա վազում,

Իրեն մորթին ետ ա ուզում.
Իսկ սևերես Կատուն հանկարծ
Ետ ա դառնում ու բարկացած
Փըշտացնում ա. մըթամ նոր եմ
Ցըրցամ տըվել, թե որ կարեմ:

Մուլտֆիլմն՝ այստեղ:

1. Դուրս գրիր անծանոթ բառերն ու բառարանի օգնությամբ բացատրիր: Ճոն- մորթագործ, մուշտակագործ, ճանկել- գողանալ,  կուշտ- կողքը, համա-համա- հանկարծ, կուրք- մուշտակ, փափախ- մորթուց գլխարկ, կուճի- գլուխ, մուշտարի- հաճախորդ, էգուց- վաղը, ցրցամ տալ- թրջել, դիվանբաշի- դատավոր, կոտըրն ընկնել- աղքատանալ:
2. Խորհուրդ տուր շանը: Նախ խորհուրդ կտամ ոչինչ չգողանալ, և հետո չհավատալ կատվի սիրուն ու քաղցր խոսքերին:
3. Քո կարծիքով ճիշտ վարվե՞ց կատուն: Ոչ, որովհետև նա խաբեց շանը, իսկ խաբել ոչ մեկին չի կարելի:
4. Համացանցից 5 տեղեկություն գտիր կատվի կամ շան մասին: 1- Հին Եգիպտոսում կատուն պաշտամունքի առարկա է եղել, քանի, որ պարկերի ցորենն ուտող մկներին կատուները որսում և ուտում էին: Այդպիսով փրկում էին մարդկանց սովից: 2- Կատուները գիշերները տեսնում են նույնքան լավ, որքան ցերեկները: 3- Կատուները չեն զգում քաղցր համը: 4-Կատուները կարող են տարեկան մոտ 100 ձագ ունենալ:
5. Կատուները շատ զգայուն են, նրանք զգում են իրենց տիրոջ տրամադրությունը:

Կեքսի օրիգինալ բաղադրատոմս

Ձեր ուշադրությանն եմ ներկայացնում կեքսի պատրաստման յուրահատուկ բաղադրատոմս։ Այս կեքսի անկրկնելի համը հաճելիորեն կզարմացնի եւ ձեզ, եւ ձեր հյուրերին։

Այսպիսով, Խմորի համար անհրաժեշտ բաղադրիչներն են՝
Ալյուր – 50 գր.
Ձու– 1 հատ
Փխրեցուցիչ – ½ թեյի գդալ
Մարգարին – 50 գր.
Շաքարավազ – 50 գր.

Կրեմի համար՝

Ձիթապտղի յուղ – 40գր.

Ջեմ – 4 թեյի գդալ

Վանիլի էսենցիա 1.2 կաթիլ (սա պարտադիր բաղադրիչ չէ)

Շաքարի փոշի – 75 գր.

Պատրաստման եղանակը՝

1) Խմորի համար նախատեսված բոլոր բաղադրիչները խառնելուց հետո պետք է խմոր հունցել;

2) Այնուհետեւ խմորը հարկավոր է լցնել հատուկ տարաների մեջ եւ դնել 200⁰ ջերմաստիճանով տաքացած ջեռոց։ 15-20 րոպե անց փոքրիկ կեքսերը պատրաստ են։

3) Կրեմը պատրաստվում է անհրաժեշտ բոլոր բաղադրիչները հարիչով հարելուց հետո։

4) Վերջին ամենապատասխանատու փուլ։ Պետք է զգուշորեն առանձնացնել կեքսի վերին հատվածը եւ բաժանել երկու մասի։ Այնուհետեւ կրեմը հարկավոր է
առատորեն լցնել կեքսի մեջ։ Կեքսի վերին բաժանված հատվածները պետք է թիթեռնիկի թեւերի պես դնել կեքսի վրա եւ շաքարի փոշի ցողել։

 Կեքսը պատրաստ է։