Զուգահեռանիստը, որի կողմնային կողերն ուղղահայաց են հիմքին կոչվում է ուղիղ զուգահեռանիստ:

Այն ուղիղ զուգահեռանիստը, որի հիմքերն ուղղանկյուններ են կոչվում է ուղղանկյուն զուգահեռանիստ կամ պարզապես՝ ուղղանկյունանիստ:

Քանի որ ցանկացած ուղիղ զուգահեռանիստի կողմնային կողերն ուղղահայաց են հիմքին, ապա ուղղանկյունանիստի կողմնային նիստերն ուղղանկյուններ են:

Ուղղանկյունանիստի բոլոր վեց նիստերը ուղղանկյուններ են:

Ուղղանկյունանիստի ընդհանուր գագաթով երեք կողերի երկարությունները անվանում են ուղղանկյունանիստի չափսեր՝ երկարություն, լայնություն, բարձրություն:

Այն ուղղանկյունանիստը, որի բոլոր կողերը հավասար են, կոչվում է խորանարդ:

Պարզ է, որ խորանարդի բոլոր նիստերը միմյանց հավասար քառակուսիներ են:

Ուղղանկյունանիստի բոլոր չորս անկյունագծերը հավասար են, հատվում են մի կետում և հատման կետում կիսվում են:

Եթե ACC₁ ուղղանկյուն եռանկյունից արտահայտենք ուղղանկյունանիստի անկյունագիծը՝ AC₁²=AC²+CC₁²,

և ADC ուղղանկյուն եռանկյունից արտահայտենք հիմքի անկյունագիծը՝ AC²=AD²+DC², ապա ստանում ենք՝ AC₁²=AD²+DC²+CC₁²

Ուղղանկյունանիստի անկյունագծի քառակուսին հավասար է նրա երեք չափսերի քառակուսիների գումարին՝ D²=a²+b²+c²

Հարցեր և առաջադրանքներ։

1.Ո՞ր մարմինն է կոչվում ուղղանկյունանիստ։

Ուղիղ զուգահեռանիստը, որի հիմքերը  ուղղանկյուններ են, կոչվում է ուղղանկյունանիստ:

2.GEOGEBRA ծրագրով գծիր ուղղանկյունանիստ։

3.Ի՞նչ երկրաչափական պատկերներից է կազմված ուղղանկյունանիստը։

Ուղղանկյուններից

4.Ո՞ր մարմինն է կոչվում խորանարդ։

Ուղղանկյունանիստի եթե բոլոր նիստերը իրար հավասար 6 քառակուսիներ են, կոչվում  է խորանարդ։

5.GEOGEBRA ծրագրով գծիր խորանարդ։

7.Թվարկեք մի քանի առարկա, որոնք ուղղանկյունանիստի ձև ունեն։

Պահարան, Հեռախոս, Տուփ։

8.Քանի՞ նիստ ունի ուղղանկյունանիստը, խորանարդը։

Ուղղանկյունանիստ-8նիստ

Խորանարդ-8նիստ

9.Քանի՞ կող ունի ուղղանկյունանիստը, խորանարդը։

Ուղղանկյունանիստ-12կող

Խորանարդ-12կող

10.Քանի՞ գագաթ ունի ուղղանկյունանիստը, խորանարդը։

Ուղղանկյունանիստ-8գագաթ

Խորանարդ-8գագաթ