Պատմիր Ղ․ Աղայանի մասին մի քանի նախադասությամբ․ ճանաչիր նրան։ Դե՜, քանի որ մենք չենք ուսումնասիրել Աղայանի կենսագրությունը, կարող եմ միայն ասել թե ի՞նչ եմ մտածում նրա, իր մարդկային հատկությունների և ստեղծագործությունների մասին: Օ՜, հետաքրքիր է: Հետո կհամեմատեմ ու գույն կտամ հանճարեղ մանկագրին: Կարծում եմ, Թումանյանի մտերիմ և ջերմ ընկերը լինելով, նա նույնքան հանճարեղ գրող և բարի, իմաստուն պապիկ է եղել, որը նվիրել է հայ ազգին ահռելի գրական և բարոյախրատական ժառանգություն:
Ներկայացրու «Անահիտ» հեքիաթը։ Դե՜, նախ սկսեմ նրանից, որ Աղայան շատ չեմ ընթերցում, բայց Անահիտին ծանոթ եմ դեռ փոքր տարիքից: Կարդացել հեքիաթը, դիտել մուլտֆիլմը, վերջերս էլ նայել եմ գեղեցիկ երաժշտական բեմադրությունը: Պատմվում է մի հասարակ գյուղացի, բայց իմաստուն, գեղեցիկ, քաջ ու անվախ աղջկա մասին, որը կժով ջուր է տալիս անծանոթ արքայազն Վաչագանին, իսկ ավելի ուշ ամուսանանում և դառնում արքայական ընտանիքի անդամ: Հեքիաթը ցույց է տալիս, որ անկախ մարդու սոցիալական դիրքից, յուրաքանչյուրը իր գիտելիքների, տաղանդի, բարության, անշահախնդրության շնորհիվ կարող է հասնել բարձունքների: Վստահ եմ որ հեքիաթը սիրված է շա՜տ հայ մանուկների կողմից: Հեքիաթում հրաշալի նկարագրվում է ընկերությունը, հավատրմությունը, մարդասիրությունը և բնության նկատմամբ սերը: Իսկ ավելի մանրամասն կարելի է ծանոթանալ ընթերցելով այն:
Արդյո՞ք նկատեցիր բացասական կերպարների։ Այո իհարկե, ծերունի դևը և իր հարյուրավոր քրմերը, որոնք խամրեցնում էին երկիրը, վատ և մութ գործեր էին կատարում և վերջիվերջո պատանդ էին վերցնում մարդկանց, այդ թվում և Վաչագանին, Վաղինակին ու Զանգիին:
Դուրս գրիր անծանոթ բառերը և բացատրիր։ Չկա, քանի որ շատ անգամ ընթերցել եմ, և այդ ժամանակ էլ բոլոր բառերի բացատրությամբ հետաքրքրվել եմ:
Ներկայացրու Անահիտին։ Անահիտը քաջ, իմ կարծիքով կրակոտ, սլացիկ և ընդունակ աղջիկ էր: Բայց ինչպես նրան նկարագրում է Աղայանը, մյուս կողմից էլ բարեսիրտ, փափկասիրտ, բարի, գեղեցիկ, բարեհամբույր և հյուրընկալ հայուհի էր:
Համեմատիր հեքիաթը ժամանակակից մոտիվներով նկարահանած մուլտֆիմի հետ,ներկայացրու նմանություններն ու տարբերությունները։ Դե իհարկե՝ գույները: Իրականում, կարդալիս այդքան գունեղ չես պատկերացնում ամենը, ինչ կատարվում է գրքում, սակայն ֆիլմը դիտելիս իսկական հրաշք է: Այսպիսի գունեղ, վառ, գեղեցիկ և ակնահաճո մուլտֆիլմերը գրական գործը ավելի արտահայտիչ, պատկերավոր և մատչելի են դարձնում: Նաև, ժամանակակից սցենարիստները և ռեժիսորները սիրում են փոփոխել գրքում կատարվող գործողությունների ընթացքը, ինչը մեկ հաճելի է, մեկ էլ տհաճ: Նման են պատկերված հերոսները: Իրոք, նրանք այդպիսին էին, ինչպիսին պատկերացնում էի կարդալիս:
Եվա Պապյան 